Bhagavad Gita: Chapter 13, Verse 20

ப்¹ரக்¹ருதி¹ம் பு¹ருஷம் சை¹வ வித்³த்⁴யனாதி³ உபா⁴வபி¹|

விகா¹ராந்ஶ்ச¹ கு³ணாந்ஶ்சை¹வ வித்¹தி⁴ ப்¹ரக்¹ருதி¹ஸம்ப⁴வான் ||20||

ப்ரகி¹ரிதி¹ம்—--பொருள் இயல்பு; புருஷம்—--தனிப்பட்ட ஆத்மாக்கள்; ச--—மற்றும்; ஏவ--—உண்மையில்; வித்தி--—அறிக; அனாதி--—ஆரம்பமற்ற; உபௌ--—இரண்டும்; அபி—--மற்றும்; விகாரான்----உடலின் மாற்றங்கள்; ச—--மேலும்; குணான்—--இயற்கையின் மூன்று முறைகள்; ச—--மற்றும்; ஏவ--—உண்மையில்; வித்தி—--அறிக; ப்ரகி¹ரிதி¹--—பொருள் ஆற்றலால்; ஸம்பவான்----தயாரிக்கப்படுபவை

Translation

BG 13.20: ப்ரகி¹ரிதி¹ மற்றும் புருஷம் (தனிப்பட்ட ஆத்மாக்கள்) இரண்டும் நித்தியமானவை. உடலில் நிகழும் அனைத்து மாற்றங்களும் இயற்கையின் மூன்று குணங்களும் பொருள் ஆற்றலில் இருந்து உருவாகின்றன என்பதையும் அறிந்து கொள்ளுங்கள்.

Commentary

ஜட இயற்கை- ஆரம்பமற்ற மாயா அல்லது ப்ரகி¹ரிதி¹ என்று அழைக்கப்படுகிறது. அது நித்தியமான கடவுளின் ஆற்றல். . ஆன்மாவும் நித்தியமானது, இங்கே அது புருஷ் (உயிருள்ள பொருள்) என்று அழைக்கப்படுகிறது, அதே சமயம் கடவுளே பரம் புருஷ் (உயர்ந்த உயிரினம்) என்று அழைக்கப்படுகிறார்.

ஆன்மா என்பது கடவுளின் சக்தியின் விரிவாக்கம் ஶக்¹தி¹த்¹வேனைவாம்ஶத்¹வம் வ்யஞ்ஜயந்தி¹ (ப¹ரமாத்¹மா ஸந்த³ர்ப⁴39.1) ‘ஆன்மா என்பது கடவுளின் ஜீவ சக்தியின் (ஆத்ம ஆற்றல்) ஒரு மிகவும் சிறிய பகுதி.’ பொருள் இயல்பு ஒரு உணர்ச்சியற்ற ஆற்றலாக இருக்கும்பொழுது, ஜீவ சக்தி ஒரு உணர்ச்சிபூர்வமான ஆற்றல். இது தெய்வீகமானது மற்றும் மாற்ற முடியாதது. இது வெவ்வேறு வாழ்நாள்களிலும், ஒவ்வொரு வாழ்நாளின் வெவ்வேறு நிலைகளிலும் மாறாமல் இருக்கும். ஒரு வாழ்நாளில் உடல் கடந்து செல்லும் ஆறு நிலைகள் அஸ்தி¹ (கருப்பையில் இருப்பது), ஜாயதே¹ (பிறப்பு), வர்த⁴தே¹ (வளர்ச்சி), விப¹ரீணமதே¹ (இனவிருத்தி), அப¹க்ஶீயதே¹(குறைவு), வினஶ்யதி¹ (இறப்பு). உடலில் ஏற்படும் இந்த மாற்றங்கள் ஜட ஆற்றல், ப்ரகி¹ரிதி¹ அல்லது மாயாவால் ஏற்படுகின்றன. இது இயற்கையின் மூன்று முறைகள்-நன்மை ஆர்வம் மற்றும் அறியாமைஆகிய மூன்று குணங்களின் எண்ணற்ற கலவைகளை.உருவாக்குகிறது.